اتصل بنا - عن الموقع           
الرئيسية » ملناش فيه » كلام ستات » كل ما تبقى جاهلة اكتر فرصتك فى الفوز تكتر

كل ما تبقى جاهلة اكتر فرصتك فى الفوز تكتر

June 10th, 2011

shy“الجنس” كلمة وقعها علينا قاسى شوية مع انها مش كلمة أبيحة ولا حاجة دى ببساطة sex اللى معناها الجنس او علاقة معينة كلها حب وموده ومشاعر ومتعة…البعض بيقولوا عليها making love او “صناعة الحب”…والبعض الاخر بيقول عليها having an affair  او “المعاشرة والعلاقة”…لكن احنا بقا بنحب نسميه “قلة الادب” او “السفالة” او الأباحة” او اى لفظ سلبى ينفرنا من الجنس مع ان المفروض نسميه بحاجة ايجابية لان الجنس حاجة ايجابية بتثقل العلاقات وبتحليها بل ان فى بعض الاوقات بيبقا الجنس ده الرصيد اللى كل ما يزيد بين الزوجين بيمسح المشاكل التافه الصغيرة.

المشكلة بقا مش فى تسمية الجنس ب”قلة الادب” مع ان الاسم بيفرق فى وقع الكلمة على ودانك..المشكلة الجهل اللى بنعانى منه وده شئ نفخر بيه طبعا..احنا بس اللى بنفخر بيه اقصد بإحنا دى (العرب) بشكل عام ولو حد فتح بؤه وقال يبقا فيه ماده “ثقافة جنسية” فى المدارس يضرب بالنار ويبقا راجل قليل الادب…ولو شوفنا فى التيليفزيون دكتورة محترمة بتتكلم فى الجنس تبقا دكتور قبيحة وعينها مكشوفة.

كل ما تبقى جاهلة اكتر فرصتك فى الفوز تكتر

اكيد اى بنت هتفهم اللى هقوله دلوقت وهو ان فى اى اعده بنات بتيجي فيها سيرة الجنس وواحده قالت اى معلومة بتبقا مش معلومة جديده ل90% من البنات اللى قاعده لكن ردود فعل البنات فى الحالة دى بتبقا العكس وهيا: “شهقة قوية يالهوىىىى انتى بتتكلمى جد..ايه ده كدابة ياااااى..فعلا مكنتش اعرف مع ابتسامة بريئة” كل ده عشان تطلع جاهلة بالمعلومة وبالتأكيد صاحبة المعلومة بتحس انها قليلة الادب…الجهل هنا مرادف للأدب طبعا واكيييييد الادب فضلوه على العلم..علم ايه بلاقلة ادب.

كل ما تبقى فاهمة اكتر فرصتك فى السعاده تكتر

مين قال ان البنت اللى فاهمة (مانعنية بالفهم هنا هو المعرفة وليس التجربة)  فى الجنس تبقا قليلة الادب؟ وليه الراجل بيفضل الست الجاهلة البريئة وفى نفس الوقت بيتخنئ من مراته اللى مش عارفة تجاريه وتفهم احتياجته واللى ممكن جهلها يوصلها انه لو طلب منها حاجات معينة تفتكرها هيا حرام او مقرفة ياااااى او ممكن برده تبقا عارفة كل حاجة وبتتظاهر بالمفاجئة والاستغراب خوفا منك كراجل شرقى “يالهوى يقول عليا ايه !! عروسة خبرة!!!!”  لكن للأسف زى ما قولنا قبل كده الأدب فضلوه على العلم..ولا اييييه!!! اشرب بقا يا معلم!!!

ببساطة شديده:

أولا: مفهوم ان الجنس قلة أدب عمره ما هيتغير من يوم وليلة .. لكن هيتغير بشكل تدريجى لما نربى ولادنا على انه جزء من حياتنا وحاجة طبيعية وعيالنا نفسهم يدرسوها بشكل متدرج ملائم لأعمارهم.

ثانيا: الرجالة لازم تعرف اننا فى 2011 والبنت اللى مش فاهمة حاجة فى الجنس وجودها بقا نادر بالعكس ده انت يا بختك يا حظك ياهناك لو مراتك طلعت فاهمة وعارفة لان ده معناه انها هتفهمك كويس جدا وهتسعدك .. وبعدين انت مختار واحده بنت ناس محترمين وواثق فيها كويس ومعرفتها فى الجنس المفروض تفرحك مش تزعزع ثقتك فيها لان فيه نت وبرامج فى التيليفزيون كفيلة انها تفهم اى بنت كل حاجة بكل احترام وأدب.

ثالثا: دى مش دعوة لان البنات تبقا عينها مكشوفة لا لان البنت من غير حيائها تبقا فقدت احلى حاجة فيها وهيا رقتها وعذوبتها واجمل نظرة ممكن تشوفها فى عنيها وهيا نظرة الكسوف والحياء والخجل..اكيد فى فرق بين انى ابقا فاهمة كل حاجة وانى ابقا بجحة وعينى مكشوفه.

وياريت مننساش ان الرسول على افضل الصلاه والسلام الصحابة والصحابيات كانوا بيسألوه فى أدق تفاصيل حياتهم بما فيها الجنس وتم ذكر معلمومات عن العلاقات فى القران الكريم .. الجنس لو كان قلة أدب وسفالة وأباحة اعتقد مستحيل كان ده يحصل ولا ايييييييه!!!

بقلم / سلمى المنصورى

 

من كتابات سلمى المنصوري “انا عايزة اتجوز”

ما رأيك فى هذا المقال؟

فقيرعادىجيدجيد جداًممتاز 76 ratings

يوجد 37 تعليقات هل لديك تعليق؟

  1. 37
    am legend

    تعليقى غريب شوية كل واحد فاكر نفسه بيعلم التانى ولازم الناس تتعلم الحاجات دى مع ان لو بصيتوا دلوقتى هتلاقوا ان نسبة الطلاق ارتفعت عن ايام زمان مع ان ايام زمان مكنش حد يعرف حاجة عن الحاجت دى وكان اخر البنت تسئل يعنى اية جواز وكانوا بيكونوا مبسوطين جداو الرجالة مبسوطة جدا اعتقد ان الثقافة هى ثقافة العقل والدين والحكمة مش الثقافة الجنسية ومع احترامى للكتبة المقال ساعت البعد عن الدين يخلينا نتكلم فى حاجات تانية مش عارفين اذا كانت صح ولا غلط ولا محرمة ولا لا والله اعلم واعتقد انك لو اتكلمتى فى الموضوع دا من الناحية الدينية يكون احسن فى انك تنصحى الناس على قيم ومبادىء رفيعة و وعلى فكرة انا قرائت المقال و تعليقات الناس كمان ودى حاجة غريبة لان فكرى فى العلم واول مرة اقرا مقال زى دا وشكرا

    April 2, 2012, 5:26 pm Thumb up 0 Thumb down 0
  2. 36
    nada

    bgd enty wooooooooooow kman enty so smart
    moskfa gdn w gre2a
    it’s honor to me to read to u
    really thank u for everything u do

    November 1, 2011, 11:44 am Well-loved. Like or Dislike: Thumb up 7 Thumb down 0
  3. 35
    so2al !

    والله فهمته بس بنسبة للعلاقة المحترمة او الصداقة او حتا الارتباط برجل فى الطريق السليم من راىى مش قلة ادب فى فرق بين الحب و الجنس و فرق كبير جداااا و دة نص بنات الععااااالم بيرطبتو لانها طبيعية جداااا !! و عموما برضه مش لقية التوضيح الكافى ….انا عايزة شرح للمقال هههه بس فعلا مواضيعة محيرانى و مش وضحالى :) )))) شكرا ليكى

    October 31, 2011, 6:49 pm Thumb up 1 Thumb down 2
  4. 34
    سلمى المنصورى

    ردا على التعليق بعنوان SO2AL !

    اللى تعرف واحد قبل جوازها ده مش موضوع قابل للنقاش لان دى تبقا قلة أدب واللى تحكى تفاصيل علاقتها السابقة تبقا بتجاهر بالمعصية .. انا كلامى مش عكس بعضه فى المقال خالص ولما بقول ان المعرفة بجاحة اقصد انى اتهكم على الناس اللى بتقول كده .. انتى مفهمتيش مقالى صح . وسعيييييده بنقدك واهتمامك جدا

    October 30, 2011, 2:56 pm Thumb up 5 Thumb down 2
  5. 33
    so2al !

    و نسيت اقول ان المواضيع دى بتاثر على الاطفال باسوء شكل و برضه….مش المفروض يبقو عرفين اى حا خاااالص بس النت اللى بيعرضهم للحاجات القبيح دى.
    و اكيد المعرف بتجيب التجربة….و دى اوحش حاجة …و كمان بالتالى بتبقا عادة سيئة باى شكل بقا …

    و حتا لو البنت الرقيقة البريئة الجميلة المحترمة ! مكنتش تعرف اى حاة لما هتتجوز هتعرف اوى و لا ايييييييييييييه !!

    October 30, 2011, 10:30 am Thumb up 0 Thumb down 0
  6. 32
    so2al !

    Hidden due to low comment rating. Click here to see.

    October 30, 2011, 10:26 am Poorly-rated. Like or Dislike: Thumb up 0 Thumb down 4
  7. 31
    sally ibrahim

    سلمى حقيقى بحييكى على جرئتك الفظيعه بس هى ايجابيه مش قصدى حاجه والله :]:]
    عاجبنى جدا موضوعك و موضوعاتك كلها بشكل عام
    احب اقولكم حاجه انا مقتنعه ان لازم البنت تبقى فاهمه كل حاجه فى الموضوع ده لعده اسباب

    اولا : انها متبقاش يوميها خايفه من المجهول
    ثانيا : علشان تغير التفكير السائد للى مش عارفه ان الحجات دى مقرفه و صعبه و الكلام الغريب اللى كنا عارفينه زمان ده
    ثالثا : علشان تعرف كل حاجه ممكن تسعدها او تسعد جوزها
    رابعا :علشان هى تبتكر حجات تسعد بيها جوزها و تقدر تملى عينه فى كل ذره تابعه للموضوع ده
    خامسا : علشان تحمى زوجها من العرى الرهيييييييييب اللى بقى فى المجتمع دلوقتى فى التليفزيون و النت و الشارع بجد بجد بيصعبو عليا

    و احب اوضح ان مش كل الرجاله بيفكرو بمنطق تبقى قطه مغمضه و كده
    انا بصراحه مكنتش اعرف غير حجات بسيطه جدا قبل ما اتخطب بس بعديها خطيبى اتكلم معايا بكل احترام و قاللى انى اقرا فى المواضيع دى علشان كل واحد مننا يقدر يسعد التانى و ميبقاش محتاج حاجه و انا استغربت الحقيقه
    بس بعد ما قريت فى الحجات دى بصراحه قريت كل حاجه و فهمت كل حاجه قلت بجد مينفعش الواحد ميبقاش فاهم
    و فى حجات بتكون مفيده جدا جدا جدا ممكن تساعدك فى حجات كتير و مازلت محتفظه بحيائى يعنى عادى ايه البجاحه فى كده منا مش بعمل حاجه هى كلها حجات بقراها بتفتح دماغى و تفكيرى علشان اقدر ادى جوزى كل اللى يحتاجه و اعرف اخلى نفسى مبسوطه معاه و الحياء ده موجود اساسى ملهوش اى تأثير بانى افهم حاجه
    و كمان ده جانب اساسى كبير فى الجواز مش هنضحك على نفسنا بقى و نقول ده مجرد جزء لا ده اسااااااس و بينتج عليه حجات كتيره جدا

    بس كده و انا بشجعك بجد فى كل مقالاتك بجد بتحاولى تعبرى عننا باسلوب محترم ميخدش الحياء
    و بالتوفيق ان شاء الله

    October 16, 2011, 4:01 pm Well-loved. Like or Dislike: Thumb up 15 Thumb down 1
  8. 30
    tameraza

    Hidden due to low comment rating. Click here to see.

    October 10, 2011, 11:45 pm Poorly-rated. Like or Dislike: Thumb up 1 Thumb down 7
  9. 29
    rania

    والله الكلام ده جميل وواقعى .. انا شايفة ان البنت لو عندها ثقافة جنسية فعلا هتقدر تسعد جوزها وهو كمان هيقدر يسعدها وبالتالى حياتهم هتبقى حياة جميلة مش مجرد علاقة سريرية روتينية

    September 20, 2011, 10:20 am Well-loved. Like or Dislike: Thumb up 7 Thumb down 0
  10. 28
    هند

    اولا انا بشكرك ياسلمى على المقال الرائع دا
    وفعلا كلام الناس الغلط هو دايما اللى جايبنا ورا ومخوفنا
    انا عندى 21 سنه ومخطوبه بقالى سنه ولحد فتره قريبه جدااااااااا مكنتش اعرف اى حاجه ف اى حاجه وكنت بستحرم اقعد اسمع من حد حاجه تخص المواضيع دى لان مره حصل وكلام جه قدامى ف موضوع الجنس خلانى اكرهه واقرف منه واكره الجواز لحد ماواحده قريبتى اتجوزت من قريب وسألتها الحاجات اللى عرفتها دى حقيقى ولا غلط وقالتلى متسمعيش من حد لان كل واحد بيختلف عن التانى وليه طريقته وادتنى كتاب ( تحفه العروس ) اللى محمد قال عليه دا وفهمت منه كل حاجه بما يرضى الله وبقمه الاحترام والادب وكمان مؤكد بالآيات القرانيه والاحاديث الشريفه

    September 12, 2011, 2:00 am Well-loved. Like or Dislike: Thumb up 4 Thumb down 0
  11. 27
    mayoosh

    اعمل نفسك عبده ههههههههههههه

    August 27, 2011, 2:49 am Thumb up 2 Thumb down 0
  12. 26
    وليد

    Hidden due to low comment rating. Click here to see.

    July 31, 2011, 7:03 pm Poorly-rated. Like or Dislike: Thumb up 4 Thumb down 14
  13. 25
    هاجر

    سلمى انتي بجد بتفجئيني في كل مقال بجد روعة المقال انا على فكرة كنت بتناقش مع ولدتي في نفس اللي بتقوليه وهي مع ان البنت لازم يكون عندها ثقافة في الموضوع ده في نطاق الدين و الادب والعلم

    July 21, 2011, 9:35 pm Well-loved. Like or Dislike: Thumb up 10 Thumb down 0
  14. 24
    Ice

    Super informative wtirnig; keep it up.

    July 3, 2011, 12:22 pm Thumb up 2 Thumb down 0
  15. 23
    umniah solayman

    فعلا المقال مهم جدا جدا بس الراجل لو حس ان مراته فاهمه حاجه في الجنس دماغه هتودي وتجيب ومنين عرفت وازاي واكيد جربت انا والله بتكلم ان في رجاله كده فعلا وناسيين اننا في 2011 وان احنا مبقناش صغيرين ولازم يعرفوا فعلا ان كل مالبنت عرفت وفهمت اكتر هوا هيرتاح اكتر اتمني نبطل اللي فينا ده وفعلا تفعلون وتتعجبوووووون

    July 1, 2011, 12:33 am Well-loved. Like or Dislike: Thumb up 9 Thumb down 0
  16. 22
    محمد على عبد الرازق

    صباح الفل طبعا كل الكلام دا صح و مفيش اي اعتراض عليه
    انا عاوز اقول حاجه بسيطه يا سلمى(هتكلم في حاجه تخص الدين لو سمحتو)…. من ضمن الجهل ان في كتب دينيه لو الواحد قراها صدقيني فيها اكتر من ما الواحد متوقع لدرجه ان مفروض مفيش حد يقراها غير المتجوز او داخل فعلا على جواز ودا هيوفر حجات كتير وكلام كتير من الي انتي بتقوليه و يا ريت لو انتي بجد تعرفي الناس على الكتب دي لان مش كل الناس هتقرا الكومنت بتاعي اكيد هيقرو المقال و بالنسبه للثقافه الجنسيه ما اساسا هيا بتدرس زي العلوم بيقولك الاعضاء التناسليه … التربيه الاسلاميه(في مصر التربيه الاسلاميه ماده غير اساسيه لكن انا مولود في الكويت وخدت بعض الحجات) برضوا بيتكلمو عن بعض المواضيع بس المشكله ان الواحد حتى لو سال الاستاذ عن معنى كلمه معينه ممكن يتوهو مع انو بيشرح الكلام دا في الحصه ما بالك بقا بالاب في البيت لما حد من ولادو يسالوه عن حاجه موجوده في كتاب التربيه الاسلاميه ودا حصل معايا فعلا…ابويا توهني وخلاص….. لكن العلاقه بين الراجل و المراه ملهاش لزمه تتدرس لانو مش وقتها زي كدا ما الواحد بيدرس احياء بعد ما يدرس علوم الاول…..جبر و احصاء بعد الرياضيات……. اسم الكتاب ( تحفه العروسين) وموجود في اي مكتبه اسلاميه و الكتاب فيه كلام زياده عن المتوقع شكرا

    June 28, 2011, 4:32 pm Well-loved. Like or Dislike: Thumb up 17 Thumb down 1
  17. 21
    سلمى المنصورى

    MARWAN كااااامل احترامى لوجهه نظرك .. رسالتى فى المقال انه لازم يكون فى ثقافة جنسية بشكل عام تخلى الناس تبطل تعيب او تنفر او تحرم من وجود الثقافة دى

    June 20, 2011, 3:13 pm Well-loved. Like or Dislike: Thumb up 8 Thumb down 0
  18. 20
    MARWAN

    يا استاذة
    مع احترامى لك
    انا شخص مؤمن جدا بحرية التعبير عن الرأيه
    لذلك احترم رأيك ولكن انا معترض معك
    المقال خـــــــــالى من الرساله او الهدف المرجو توصيله
    “مش فاهم يعنى انا المفروض اسألها قبل الجواز هى بتعرف فى الحكايه عشان متتعبنيش ولا ايه”
    ثانيا: الصحابة كانوا بيسألوا سيدنا محمد صلى الله عليه وسلم لمعرفة الحلال والحرام فى هذه الموضوع وليس لوصف العلاقة او ما شابه ذلك….يعنى الخطوط العريضة للحرمانية فى العلاقة الجنسية
    ويأتى القراءن الكريم ليحسم الموقف
    بسم الله الرحمن الرحيم “فأتوا حرثكم أنى شئتم”
    انا رأيى الموضوع ابسط مما ندعى

    June 20, 2011, 12:22 am Hot debate. What do you think? Thumb up 12 Thumb down 12
  19. 19
    BeBaRsS

    كلامك صح الموضع دا حله الوحيد التعليم – لان اصلا الدوله بتتعامل مع الموضوع دا كانه حاجه مش موجوده وبيحاولوا يتجنبوه على قد ما يقدروا ودا غلط -

    June 17, 2011, 4:58 pm Thumb up 4 Thumb down 1
  20. 18
    suzanna

    ana besara7a msh 3arfa a2ol eh..ya3ni ana at5atebt abl kda marra we konna metaf2een 3al gawaz we kda..we feh marra konna 2a3din benetkalim we geh deret el gens…fa hwa 2alli ma3lomet be e7teram shadid e ana ma a5adtsh be nasi7at mamti we 3amelt 3abita bal etkalimt ma3ah we a5adna we nede fel klam be e7teram shadid…bs b3d kda la2ito ka enno kan ma5do3 feya…we fasakhna el 5otoba 3ashen 2al eh enno maknsh fakerni kda we enni madem a3ref ma3lomet yeb2a akiid ana megrba..ra3′m enni 7awelt a9ne3o enno fe internet we koll el bnat we el setet beyetkalimo fe kda..fa ana sa3at b7ess a3mel 3abita yeb2a a7sen..l;e 3′yet ma netgawez we b3dinn a3mel nafsi 3abeta le 3′yet ma ne5od 3la ba3d we a3ref amata3o we wa2tha hayefteker enni et3alimt koll dah menno..ay ma bay2olo ya3ni yefteker enno a5adni 2otta me3′mada we 3ref yefat7li 3eni we enno gamed we el lam dah….

    June 17, 2011, 3:01 pm Well-loved. Like or Dislike: Thumb up 4 Thumb down 0
  21. 17
    شيماء

    انا بجد سعيده ان قراتلك وموضعك مهم جدا وخطيره جدا كمان وفعلا الشاب بيفكر ان هو لما بختار واحده مش فاهمه حاجه بيبقي صح لان مفيش بنات مش فاهمه ومش عارفه وعل فكره المواضيع دي اهلنا عمللنا رعب شديد اننا نكلم فيها او نتعرف عليها وطبعا احنا واصحابنا بنقول لبعض معلومات غلط احيانا وبنضيق جدا من امهاتنا انها مش بتفهمني وتعرفني عشان مندورش علي معلومات خطا

    June 17, 2011, 2:03 pm Thumb up 2 Thumb down 0
  22. 16
    Eman

    عزيزتي مقالك جميل و واقعي .و على فكره الجهل موجود حتى لو في معلومات اساسيهز
    من تجربه شخصيه حلو الخطيبين قرب الزفاف يعرفو بعض بكتب عن الموضوع و يتابدلو الكتاب بينهم و لو في حد ماقهمش حاجه من الكتاب يفهم التاني و ممكن يعلمو على الحاجات اللي عجبتهم .
    بالنسبه للثقافه العامه دي مطلوبه من قبل البلوغ و دي مسئوليه الوالدين و بيدرجو بالمعلومات حسب عمر المراهق أو الشاب
    .

    June 15, 2011, 11:41 am Thumb up 3 Thumb down 0
  23. 15
    Dodo

    كــــــــــــلامك صح يا سلمى 100% … لكن برضه كل بنت شاطرة تقدر تفهم كل حاجة بشرط تبين اللى فاهماه ده فى الوقت المناسب للكلام ده.. لان فى كلام لو اتقال فى غير مكانه المناسب هتتفهم غلط خاصة ان مازال كل الرجالة دلوقتى شرقيين وساعتها ماتلومش الا نفسها بقى لو اتفهمت غلط !!!!!!

    June 12, 2011, 11:56 am Well-loved. Like or Dislike: Thumb up 12 Thumb down 0
  24. 14
    mayoosh

    بجد كلامك محترم جدا انا مخطوبه وبقرى كتير عن الموضوع ده في النت والكتب لان واللهي الرجاله بتحب كده وده يبرر ان راجل يبقى متجوز واحده محترمه وبنت ناس ومتعرفش حاجه ويجري وراي واحده سفله عشان لائي الموضوع ده عندها وقولت لنفسي انا بنت ناس ومحترمه قدام الناس كلها وبيني وبين جوزي ابقى احسن واحالى من الي كان ممكن يعرفها عليا عشان تمتعه وبلاش لف ودوران الموضوع ده هو الي بيهدم معظم البوت لانه غباء من الرجل وجهل من الست وانا شوفت كتير حصل الموضوع ده قدامي وبي يبان على الراجل المرتاح في الموضوع ده والرجل الي لا
    وتلاقي الرجل الي مش مرتاح عينيه على كل واحده ماشيه ومراته جانبه ولا مهتم بيها وبيبقى جعان في الموضوع
    ده انا بدعي كل البنات ولازم تبقى فهمه واكسسبي الاتنين دينك باحترامك وجوزك بمعرفتك

    June 11, 2011, 2:56 pm Well-loved. Like or Dislike: Thumb up 20 Thumb down 1
  25. 13
    EHAB MOUSTAFA

    مقال رااائع بجد كأنك قواتى الى عايز اقوله ..اسلوبك جريء واقعي اسلوب جميل بجد ..انا اتفق معك

    June 11, 2011, 1:46 pm Well-loved. Like or Dislike: Thumb up 7 Thumb down 1
  26. 12
    اميرة سالم

    فى بعض الاوقات بيبقا الجنس ده الرصيد اللى كل ما يزيد بين الزوجين بيمسح المشاكل التافه الصغيرة.

    فعلا احيانا بيكون هو الى بيدوب بعض الخلافات
    والا مكنش ربنا ذكر ان الزوجين سكن لبعض

    وعلى فكرة البنات دلوقتى بتتكلم مع بعضها بطريقة مفتوحة فى الحوار لكن بشكل علمى ودينى

    عكس الشباب وهما عارفين نفسهم كويييييييييييييس

    June 10, 2011, 11:52 pm Well-loved. Like or Dislike: Thumb up 23 Thumb down 3
  27. 11
    ام على

    ما احلى الحياء مع المعرفة….. وما اسوأ التبجح مع الجهل. ليتنا نقتضى برسولنا الكريم فى كل شىء.

    June 10, 2011, 11:27 pm Well-loved. Like or Dislike: Thumb up 22 Thumb down 1
  28. 10
    أمل

    فعلا بس المصدر مهم زي مانتي قلتي .. مهم البنات تتعلم بطريقة محترمة و نفس الكلام ينطبق على الولاد كمان على فكرة لأن في كتييير اوي في العالم العربي فاكرين انهم بيفهموا اوي في الموضوع ده .. و منهم ناس مجوزين كمان و هما مش فاهمين و معلوماتهم غلط لأنهم غالبا اتعلموها بطرق مش محترمة فمش بتقدم معلومات صح

    June 10, 2011, 5:38 pm Well-loved. Like or Dislike: Thumb up 12 Thumb down 0
  29. 9
    امول اللول

    حلو جدا ياسلمى انا عندى 29 اوك
    بيقولولى صديقاتى اعملى نفسك عبيطه لو اتخطبتى او اتجوزتى واندهشى لو قالك اى حاجه وردى عليه ردود تفهمه انك ولامؤاخذه حماره !!! انا مش مقتنعه لسببين اولا مفيش بنت فى الزمان ده وكمان فى سنى تبقى جاهله كده وطبيعى جدا انها تتفهم الامور وتكون على نسبه عاليه من الدرايه ولو انا عملت زى مابيقولوا حاكون مصطنعه ومش مقنعه ثانيا لو هو عاوزنى ابقى جاهله ومقدرش يفهم يعنى ايه ثقافه ومقدرش يفرق ان الموضوع ده ليس له علاقه نهائيا بالاخلاق والادب يبقى هو اصلا مينفعنيش أنا موافقه تماما على الحياء والخجل وامته الكلام يكون صريح وامته يكون مناقشه فى اطار محترم وامته امنعه وامته بعد الجواز لازم يكون فى تفاهم وارضاء للطرفين ده جزء مهم من العلاقه وبيكملها لازم نكون على تفهم لعقلية بعض

    June 10, 2011, 2:15 pm Well-loved. Like or Dislike: Thumb up 7 Thumb down 1
  30. 8
    سلمى المنصورى

    اى خدمة :) ))

    June 10, 2011, 2:13 pm Well-loved. Like or Dislike: Thumb up 5 Thumb down 0
  31. 7
    RBF

    الكلام ده كلام زي الفل ، و مباشر جداً ، و صح جداً

    June 10, 2011, 1:55 pm Well-loved. Like or Dislike: Thumb up 9 Thumb down 0
  32. 6
    youssa

    هل من المعقول أن تكون البنت جاهلة في وقتنا الحاضر.هههه ؟؟؟؟ في هذا العالم المفتوح بكل ما تعنيه الكلمة من معنى يصعب جدا ان تكون المرأة جاهلة عن الكثير من أمور العلاقة الحميمة بل وتحفظ حركاتها وسكناتها عن ظهر غيب. لا بل وتطالب بالحركات التي تريدها ولم يقم الرجل بتطبيقها معها. زمن حكم

    June 10, 2011, 1:51 pm Well-loved. Like or Dislike: Thumb up 6 Thumb down 0
  33. 5
    دنيا ودين

    على فكره يا استاذ احمد المفروض اللى حضرتك بتقوله كمان ينطبق على البنات والولاد لان الرسول عليه الصلاة والسلام قال الحياء شعبة من شعب الايمان للناس كلها.والمفروض كللللللللنا نبقا عارفين كل المعلومات ولكن من غير بجاحة وقلة أدب.عشان نعيش سعداء وفى نفس الوقت راضيين ربنا سبحانه وتعالى…دى ثقافة لازم نعلمها لأولادنا.ودلوقتى اللى تقول ماعرفش حاجه تبقا أكبر كدابه.ودى غريزه فينا كلنا

    June 10, 2011, 12:17 pm Well-loved. Like or Dislike: Thumb up 9 Thumb down 0
  34. 4
    ahmed

    دى مش دعوة لان البنات تبقا عينها مكشوفة لا لان البنت من غير حيائها تبقا فقدت احلى حاجة فيها وهيا رقتها وعذوبتها واجمل نظرة ممكن تشوفها فى عنيها وهيا نظرة الكسوف والحياء والخجل..اكيد فى فرق بين انى ابقا فاهمة كل حاجة وانى ابقا بجحة وعينى مكشوفه.

    June 10, 2011, 11:12 am Well-loved. Like or Dislike: Thumb up 10 Thumb down 1
  35. 3
    pejoo

    على فكره انتى مقالاتك كلها جميله يا سلمى …..:D

    June 10, 2011, 10:50 am Thumb up 4 Thumb down 1
  36. 2
    آية

    والله عندك حق فعلا وعلي فكرة الموضوع ده مهم جدا. ولازم يكون في حوار بين الزوجين وفي توافق كمان بينهم . انا سمعت دكتورة قبل كده بتقول ان لو في حوار وانسجام بين الزوجين في الأمور العادية أصلا . كل ده هيترجم في غرفة نومهم. وانا من رأيي ممكن يكون العكس. وعلي فكرة فعلا لو العلاقة الجنسية بين الزوجين كويسة هيعدوا لبعض مشاكل كتيييييييرة ، اما لو العكس هيتلككوا لبعض. بس بجد في رجال كتيييييييييييير أغبياء يقولوا عايزين مغمضة ومتفهمش حاجة وفي الاخر هى اللي تشتكى منه وتقول انه بيطلب منها طلبات حرام او قرف والله ممكن تنتهى بالطلاق او حياة زوجية قمة في النكد والعكننة علي بعض. بس ع فكرة برده في رجال بقي هما العكس اللي بيبقي عندهم حياء مذموم يعنى ممكن واحد خاطب مثلا يكسف يطلب من خطيبته انهم يخرجوا مع بعض واصلا مامتها مثلا او اخوها هيكون معاهم ومع ذلك يكسف يطلب منها ولو هى طلبت وهيكون معاها محرم يضحك بكل كسوف وكأنها طلبت منه منكر ويحسسها انها جريئة . مش ده أكيد بعد كده لو هى طلبت منه حاجة في علاقتهم الخاصة او عالاقل تجاوبت معاه أكيد هيفسرها انها جرأة وبجاحة منها. انا رأيي ان الحياء نوعين محبوب ومذوم للأسف بنتمسك بالمذموم وفي بيجى فوق رأسنا. بس بجد حد يرد عليا لو انا غلطت في اللي قلته. اصلها بصراحة تجربة شخصية وانا سبت خطيبي ومن أسباب انفصالنا حياؤه المذموم اللي بشهادة الجميع جيرانه واخواته واصدقائه

    June 10, 2011, 10:48 am Well-loved. Like or Dislike: Thumb up 7 Thumb down 2
  37. 1
    mina rady

    انتى اجرأ كاتبه انا شوفتها فى حياتى و كلامك علمى و مظبوت

    June 10, 2011, 10:41 am Well-loved. Like or Dislike: Thumb up 9 Thumb down 1

ارسل تعليقك



  • التعليقات الواردة من القراء هي مسئولية أصحابها ولا تعبر عن رأي إدارة الموقع بالضرورة
  • تتم مراجعة تعليقاتكم قبل نشرها عن طريق إدارة الموقع
 

الأعلي تصويت
كيف تصبحين محبوبه  لأهل زوجك..؟

كيف تصبحين محبوبه لأهل زوجك..؟

أرجوك يا زوجي لا تحبني أكثر من أمك فهي الأولى...

الأكثر تصويت
كيف تصبحين محبوبه  لأهل زوجك..؟ كيف تصبحين محبوبه لأهل زوجك..؟

أرجوك يا زوجي لا تحبني أكثر من أمك فهي الأولى...

رأيك يهمنا
Loading ... جاري تحميل النتائج ...

ما يحدث الأن في مصر :
نتائج التصويت